13 فروری 2015ء

پاکستان ٹیلی کمیونیکیشن اتھارٹی پریس ریلیز ملتان اور بہا ولپور میں دو غیر قانونی گیٹ وے ایکسچینج پکڑے گئے

اسلام آباد 13 فروری 2015 (پ۔ر)پاکستان ٹیلی کمیو نیکیشن اتھارٹی (پی ٹی اے) نے غیر قانونی ٹیلی کام ٹریفک کے خلاف جاری مہم کے دوران دو غیر قانونی گیٹ و ے پکڑلیے۔ پی ٹی اے اور فیڈرل انوسٹی گیشن ایجنسی (ایف آئی اے) نے مشترکہ کارروائی کے دوران ملتان اور بہاولپور کے مقامات پر چھاپہ مارا جس کے نتیجے میں ٹیلی کام ٹریفک میں ملوث غیر قانونی گیٹ ویز قبضے میں لے لئے گئے ۔تفصیلات کے مطابق پہلا چھاپہٍ لیاقت آباد ، ملتان میں مارا گیا۔ چھاپے کے دوران دو گیٹ ویز ، سو ئچز، سمز، لیپ ٹاپ اور موڈیمز پر مشتمل غیر قانونی ا یکسچینج قبضے میں لے لی گئی۔ وقوعہ سے دو شخص کوگرفتار کیا گیا جو کہ مزید تحقیقات کے لئے ایف آئی اے کی تحویل میں ہیں۔ 
دوسرا چھاپہ بہاولپورمیں مارا گیا۔ چھاپے کے دوران چھ گیٹ ویز ، سو ئچز، سینکڑوں سموں ، لیپ ٹاپ اور موڈیم پر مشتمل غیر قانونی ا یکسچینج قبضے میں لے لی گئی۔ وقوعہ سے ایک شخص کوگرفتار کیا گیا جو کہ مزید تحقیقات کے لئے ایف آئی اے کی تحویل میں ہے۔ 
گرے ٹریفک کے خلاف کامیاب چھاپے پی ٹی اے کی مسلسل مانیٹرنگ، عزم اور انتھک کوششوں سے ممکن ہوسکے ہیں تاکہ غیر قانونی ٹیلی کام کے کاروبار کی لعنت کو ختم کیا جاسکے اور قومی خزانے کو نقصان سے بچایا جاسکے۔
 

خرم مہران 
ڈائریکٹر تعلقات عامہ