دھوکہ دہی سے خود کو محفوظ رکھیں

اپنے آپ کو دھوکے سے بچائیں
 دھوکہ بازملک بھر میں ہر شخص کو، ہر عمر اور ہر آمدن والے لوگوں کو ہدف بناتے ہیں۔

دھوکہ بازمختلف طریقوں سے آپ کا اعتماد حاصل کرکے آپ سے رقم ہتھیاسکتے ہیں یا ذاتی تفصیلات حاصل کرسکتے ہیں۔
اپنے آپ کو محفوظ رکھیں۔
#ایس ایم ایس کے ذریعے موصول شدہ مشکوک متن یالنک نہ کھولیں بلکہ اسے نظر انداز کریں یا رپورٹ کریں۔
#اپنی ذاتی تفصیلات اور رقم کی فراہمی کے حوالے سے ہر طرح سے آگاہ رہیں۔ کسی انجان شخص جسے آپ نہیں جانتے کو ہر گزرقم ، اپنا اے ٹی ایم یا پن کوڈ ، آن لائن اکاؤنٹ کی تفصیلات یا ذاتی دستاویزات کی کاپیاں ہر گز نہ دیں۔
#اپنے دوستوں اور گھر والوں کو ایسے فراڈ کے متعلق بتائیں۔
#اگر آپ فراڈ کا شکار ہو چکے ہیں تو اور آپ کو پتا چل چکا ہے تو مزید رقم نہ دیں۔ دھوکہ باز مزید رقم کا مطالبہ کرتے رہیں گے، جب تک آپ انکار نہیں کرتے۔
#اگر آپ نے کسی دھوکہ بازکو رقم دے دی ہے یا اسے بینک کی تفصیلات فراہم کر بیٹھے ہیں تو فوراً اپنے متعلقہ بینک یا پولیس کو بتائیں۔ ہوسکتا ہے اس سے آپ مزید رقم منتقل کرنے سے بچ جائیں یا آپ کا اکاؤنٹ بند کر دیا جائے گا . 

حکام کو دھوکہ بازوں کے متعلق رپورٹ کریں
#سب سے پہلے اپنے سروس فراہم کنندہ (جاز، زونگ، ٹیلی نار، یو فون ، اور پی ٹی سی ایل)کو مشتبہ نمبر کی بلاکنگ کے لئے رپورٹ کریں۔
# اگر سروس فراہم کنندہ سے جواب موصول نہیں ہوتا تو پی ٹی اے کو 0800-55055 پر یا ویب سائٹ https://complaint.pta.gov.pk/RegisterComplaint پر
 بھی رپورٹ کیا جا سکتا ہے۔ 
# پی ٹی اے موبائل نمبر اور ڈیوائس کا آئی ایم ای آئی بلاک کردے گا۔
ایک شخص کے فراڈ میں دوبارہ ملوث ہونے کی صورت میں سم / کنکشن کے اجراء کے لیے شناختی کارڈ کو بلیک لسٹ کر دیا جائے گا۔
مالی ْ/ بینکنگ فراڈ ہو جانے کی صورت میں سٹیٹ بینک آف پاکستان کوcpd.helpdesk@sbp.org.pk
 پر مطلع کریں۔
 مزید تفتیش کے لیے ایف آئی اے کو متعلقہ ہیلپ لائین 051 9106384 پر کال کریں۔