26 مارچ 2020ء

پاکستان میں انٹرنیٹ کے استعمال میں 15 فیصد اضافہ

(اسلام آباد: 26 مارچ، 2020): پاکستان ٹیلی کمیونیکیشن اتھارٹی (پی ٹی اے) کے جانب سے ٹیلی کام آپریٹروں کے ذریعے حاصل کی جانیوالی معلومات کے مطابق گذشتہ ہفتے سے انٹرنیٹ کے استعمال میں تقریبا 15 فیصد کا اضافہ دیکھنے میں آیا ہے جب ملک کرونا وائرس کے خلاف لڑ رہا ہے۔ 
 یہ اضافہ تعلیمی اداروں اور کاروباری مراکز کی آن لائن سرگرمیوں میں اضافے اور افراد اور تنظیموں کے ذریعہ، ''گھر سے دفتری امور کی انجام دہی'' کی پالیسی کی وجہ سے دیکھنے میں آیا ہے۔ ملک میں انٹرنیٹ کی ضروریات کے پیش نظر انٹرنیٹ کی سہولت فراہم کرنے کی صلاحیت مطمئن حد تک موجود ہے۔ ؛
 پی ٹی اے انٹرنیٹ کے استعمال کا جائزہ لے رہا ہے تا کہ اس مشکل وقت میں صارفین کو تیز رفتار اور موثر ٹیلی کام خدمات کی دستیابی کو یقینی بنایا جا سکے۔
 
 
خرم مہران
ڈائریکٹر (تعلقات عامہ)