دھوکہ دہی کی پہچان کریں
- صفحہ اول
- صارفین کے لیے معاونت
- دھوکہ دہی کی پہچان کریں
دھوکہ دہی کی پہچان کریں
دھوکہ باز آپ کو یقین دلائیں گے کہ آپ ان کی ہدایات پر عمل کریں تو آپ کی قسمت بدل جائے گی۔دھوکہ باز آپ کو کسی دوسرے یا تیسرے دھوکہ باز سے متعارف کراسکتا ہے جو اپنے آپ کو بینکر، ٹی وی چینل کا نمائندہ یا سرکاری آفسر ظاہر کریں گے تاکہ " قانونی و مالی معاملات میں مدد " کا بہانہ بناسکیں۔
دھوکہ کی عام مثالیں مندرجہ دیل ہیں:
ا آپ کی ذاتی معلومات حاصل کرنے کے لئے
دھوکہ باز ہر قسم کا ہتھکنڈا استعمال کریں گے اور ایک دفعہ ذاتی معلومات حاصل کرنے کے بعد چوری شدہ شناخت کو جعلی سرگرمیوں کا ارتکاب کرنے کے لیے استعمال کرسکتے ہیں۔
ب بینک/اداروں کے بھیس میں
دھوکہ باز عموما اپنے آپ کو بینک/ بینظیر انکم سپورٹ پروگرام( بی آئی ایس پیٰ)یا احساس ُپروگرام کا نمائندہ بتاتے ہیں۔آ پ کو کال کر کے کہیں گے کہ" آپ کا اے ٹی ایم بلاک ہوگیا ہے"۔ اے ٹی ایم کھولنے کے لئے آپ اس نمبر پر کال کریں۔
ایک اور تکنیک جو آج کل دھوکہ باز استعمال کر رہے ہیں وہ یہ کہ پی ٹی اے کا نمائندہ بن کر ڈیوائس رجسٹریشن کے نام سے فیس طلب کرنا۔
ج دھمکی دے کر رقم بٹورنا
فراڈئیے فرد کی جان جانے کی دھمکی دے کر شناخت یا رقم چوری کرنے کی کوشش کرتے ہیں ۔ایک تکنیک جو آج کل عام استعمال میں ہے وہ ہے خود کو پاک فون کا نمائندہ ظاہر کرکے رقم بٹورنے میں ملوث ہونا۔
د رقم کا منتقل کرنا/ ''کوڈ '' کا بھیجنا
فراڈئیے پیغام کے وصول کنندہ کو اپنے جھوٹے جال میں پھنسا کر ہر طریقے سے قائل کرلیتے ہیں۔ مثال کے طور پر: ایک مقبول تکنیک یہ ہے کہ وصول کنندہ کو غلطی سے اپنے ایزی پیسہ یا دوسرے ای-ادائیگی اکاؤنٹ میں رقم منتقل کرنے کے بارے میں پیغام بھیجنا اور ایک خاص ''کوڈ'' کے بھیجنے کو کہنا شامل ہے۔
ن انعام /لاٹری کا دھوکہ
فراڈےئے دھوکے سے کسی لاٹری یا مقابلہ) جس میں آپ نے کبھی شرکت نہیں کی ہوتی) سے انعام یا رقم کا لالچ دے کر آپ کی ذاتی یا مالی معلومات حاصل کرسکتے ہیں۔۔ ایسے فراڈئیے عام طور پر مشہور ٹی وی گیم شو پروگراموں کے نمائندے کی حیثیت سے نا معلوم نمبر سے رابطہ کرتے ہیں۔